Ավտոմոբիլային արդյունաբերության առաջին կին գործադիր տնօրենը. Մերի Բարրա

Ավտոմոբիլային արդյունաբերության առաջին կին գործադիր տնօրենը. Մերի Բարրա

Մերի Բարրայի անունը սկսեց մեծ հնչեղություն ստանալ, երբ 2014 թվականին նա նշանակվեց General Motors-ի գործադիր տնօրեն։ Բարրան ավտոմոբիլային արդյունաբերության առաջատար գործիչներից է եւ առաջին կինը, որը ղեկավարում է ամերիկյան խոշոր ավտոարտադրող ընկերությունը։ Մեծացել է մեքենաների սիրահար ընտանիքում, ստացել է GM-ի կողմից հովանավորվող կրթաթոշակ եւ իր կարիերան սկսել է GM-ում՝ որպես ինժեներ։ Իր համառության, նվիրվածության ու աշխատասիրության շնորհիվ GM-ում աստիճանաբար բարձրացել է ընկերության կառավարման տարբեր մակարդակներում։ Որպես ավտոմոբիլային ընկերության առաջին կին գործադիր տնօրեն՝ Բարրան կոտրել է բոլոր կարծրատիպերը եւ իր օրինակով ճանապարհ հարթել գենդերային հավասարության համար։ Մերի Բարրան հաղթահարել է այնպիսի մարտահրավերներ, ինչպիսիք են բոցավառման անջատիչի ճգնաժամը։ Բարրայի ղեկավարությամբ GM-ը կենտրոնացել է էլեկտրական շարժիչներով ավտոմեքենաների արտադրության վրա՝ նպատակ ունենալով հասնել <<զրո վթարների, զրո արտանետումների եւ զրո զրո խցանումների>>: Նա հայտնի է իր տեխնոլոգիական մոտեցմամբ եւ ավանդական կառավարման մեթոդների վերանայմամբ։ Մերին փոխել է GM-ի հագուստի կոդը՝ փոխարինելով 10 էջանոց կանոնակարգը մեկ պարզ նախադասությամբ՝ <<հագնվեք համապատասխան>>։ Նա ստացել է Քեթերինգի համալսարանի էլեկտրատեխնիկայի կոչում։ Բարրան բազմիցս ճանաչվել է աշխարհի ամենաազդեցիկ կանանցից մեկը։