Կանանց շախմատը Հայաստանում. հաղթանակների ուղին

Շախմատն ավելի քան մեկուկես հազար տարվա պատմություն ունի և համարվում է ինտելեկտուալ պայքարի ամենահզոր ձևերից մեկը։ Չնայած երկար տարիներ այն առավելապես տղամարդկանց սպորտաձև էր համարվում, 19-րդ դարի վերջերից կանայք ևս սկսեցին մասնակցել միջազգային մրցաշարերին՝ ապացուցելով, որ կարող են մրցակցել ոչ պակաս ուժեղ, քան տղամարդիկ։

Հայաստանում շախմատը ազգային հպարտության մաս է, և մեր երկիրը հաճախ անվանում են շախմատային գերտերություն։ Սակայն մինչև վերջերս կանանց շախմատը չէր հասել այն ճանաչմանը, որը վայելում էր տղամարդկանց հավաքականը։ Վերջին տասնամյակներում, սակայն, հայ կին շախմատիստուհիները լուրջ արդյունքներ են գրանցել՝ դառնալով միջազգային մրցաշարերի հաղթողներ և նվաճելով շախմատային աշխարհում իրենց տեղը։

Կանանց շախմատը Հայաստանում

Չնայած պատմականորեն կանանց շախմատը Հայաստանում չուներ երկարատև ավանդույթներ, այսօր մենք ունենք 6-7 կին գրոսմայստեր, ինչը մեծ ձեռքբերում է մեր փոքր ազգի համար։ Տարեցտարի մեր կանանց հավաքականը բարելավում է իր դիրքերը միջազգային ասպարեզում՝ ապացուցելով, որ հայ շախմատիստուհիներն ուժեղ մրցակիցներ են։

Մեր ամենահայտնի կին շախմատիստուհիներից մեկը Էլինա Դանիելյանն է, ով դարձավ առաջին հայ շախմատիստուհին, որը նվաճեց Եվրոպայի չեմպիոնի տիտղոսը։ Նա շախմատ խաղալ սկսել է 5 տարեկանում, սկզբում առանց մեծ ոգևորության, բայց տարիների ընթացքում այս խաղը դարձավ նրա կյանքի կարևորագույն մասնիկը։ Դեռևս 1992 թվականից նա հանդես է գալիս Հայաստանի կանանց հավաքականում՝ դառնալով թիմի կայուն և հզոր խաղացողներից մեկը։

Էլինա Դանիելյանի հաջողություններն

• Մասնակցել է բազմաթիվ միջազգային մրցաշարերի
• Տարբեր տարիներին նվաճել է արծաթ և բրոնզե մեդալներ Եվրոպայի առաջնություններում
• 2021 թվականին, 43 տարեկանում, դարձավ Եվրոպայի չեմպիոն՝ նվաճելով ոսկե մեդալը

Ամփոփում

Հայաստանի կանանց շախմատը շարունակում է զարգանալ և ամրապնդել իր դիրքերը միջազգային ասպարեզում։ Մեր շախմատիստուհիները մեծ ներդրում ունեն մեր երկրի շախմատային պատմության մեջ՝ իրենց նվաճումներով ոգեշնչելով նոր սերունդներին։