Օփրայի աշխարհն ավելի լավը դարձնելու ջանքերը

Աշխարհում կանայք բիզնեսում ունեն բազմաթիվ ոգեշնչող պատմություններ։ Մենք պարբերաբար Ձեզ ենք ներկայացնելու աշխարհահռչակ կանանց մասին, որոնց հաջողություններն ազդել են համաշխարհային բիզնեսի վրա։

Ամերիկացի հեռուստահաղորդավարուհի, պրոդյուսեր եւ բարերար Օփրա Ուինֆրին ծնվել է աղքատ ընտանիքում։ Աշխարհին հայտնի է 1980-ական թվականներից։ Որպես սովորական սպասուհի է սկսել իր աշխատանքը եւ իր աշխատասիրության շնորհիվ՝ դարձել աշխարհի ամենաազդեցիկ կանանցից մեկը։

1986 թվականին հիմնել է Harpo productions մուլտիմեդիա արտադրական ընկերությունը։ Harpo productions-ը դարձավ նրա հիմնաքարը բիզնես կայսրության՝ արտադրելով <<Օփրա Ուինֆրիի շոուն>> եւ այլ հաջողված նախագծեր։ Նրա բիզնես խելամտությունը դուրս է գալիս հեռուստատեսությունից եւ կինոյից ու սկսում է ներդրումներ կատարել տարբեր ոլորտներում՝ հրատարակչությունից մինչեւ սննդամթերք ու խմիչքներ։ Օփրա Ուինֆրին զգալի ներդրում է ունեցել տարբեր գործերում՝ օգտագործելով իր հարստությունն ու ազդեցությունը հասարակության վրա։ Նա ավելի քան 12 միլիոն դոլար է նվիրաբերել Մորհաուս քոլեջին՝ երիտասարդ սեւամորթ տղամարդկանց կրթությանն աջակցելու համար։ Իր հիմնադրամի միջոցով Օփրան զգալի ֆինանսավորում է տրամադրել Յոհաննեսբուրգի համալսարանին՝ աջակցելով նաեւ կանանց կրթությանը։ COVID-19 համաճարահի ժամանակ 10 միլիոն դոլար է նվիրաբերել ճգնաժամից տուժած համայնքներին։

Օփրա Ուինֆրիի բիզնես նախաձեռնությունները եւ բարեգործությունները ցույց են տալիս, որ նա ցանկանում էր աշխարհն ավելի լավը դարձնել։ Իր հաջողակ մեդիա կայսրությունից մինչեւ իր ազդեցիկ բարեգործական աշխատանքը, շարունակում է ոգեշնչել միլիոնավոր մարդկանց ամբողջ աշխարհում։